ابواب منسيه فعلا حيتنا عباره عن ابواب كثيره بنقفلها ونفتحها من غير ما حد ياخذ باله ونمثل علشان نعدى الحياة .
ابواب ملهاش اسامى .
مشاعر حزينه تقفل بابك عليها ، فى حياتنا ابواب كثيرة زى كسر خاطر ، خيبه أمل وكسفه ، فشل ، ابواب كتير مالهاش اسامى .
بس بتكون حاسس بيها وبترمي مفاتيح الابواب دي مع مر السنين في بحر النسيان
حاولت كثير وتعبت لغايه ما توصل بحر النسيان وبقت ابواب منسيه ايوه اكيد .
كلمه او موقف .
لكن للاسف بتظهر قدامك فجاءه مفاتيح البيبان ديه وتكون عباره عن كلمه او موقف بتخرج من بحر النسيان وحش بيفكرك ويقولك انت افتكرت انك نسيت لاء انت غلطان مافيش حاجه بتتنسي .
دموع متحجرة .
بعض الاحيان بتدارى شعورك وبتكون عايز تعيط بس بتقاوم مره واثنين وثلاثه
ويجى وقت تلاقي نفسك مش قادر تقول يمكن لو عيط استريح شويه تلاقى دموعك رفضت النزول واتحجرت وبقت زى الحجر على قلبك واصبحت دموع داخليه .
حتى الدموع مش قادر تنزلها بس للاسف اتعودت خلاص على حبس احساسك جوه نفسك وبتظهر حاجه ثانيه غير اللي جواك .
ومع الوقت بتفقد احساس ومعنى الفرحه علشان اتعودت على تمثيلها وانت حزين الاحاسيس اتلخبطت مع بعض وطلعت احساس ما لوش وصف بس بيتحس .
حاجه ثقيله بس عادي هتاخذ وقتها وتتحبس وتعمل نفسك نسيت وترمي المفتاح ثاني في بحر النسيان .
وتعدي الايام والسنين وتفتكر انك نسيت لغايه لمايجى موقف يطلع المفاتيح من البحر وتفضل مقضى حياتك مابين نسيان اجمل من واقع فاكرة .
إرسال تعليق
رئيكم يهمنى